தமிழ் எழுத்தியல் துறையிலும் ஊடக துறையிலும் பெண்களின் பங்கு.

வணக்கம் நண்பர்களே,

எனது 50வது பதிவினுாடாக சந்திப்பதில் மிக்க மகிழ்ச்சி. என் பதிவுலக ஆரம்பத்தில் இருந்து இன்று வரை எனக்கு உறுதுணையாக இருக்கும் உங்களனைவருக்கும் என் நன்றிகள்.

என்னை பதிவெழுத துாண்டியவை லோஷன் அண்ணாவின் பதிவுகள். 
எனக்கு களம் அமைத்து தந்தவர் அன்புக்குரிய மதிசுதா அண்ணா. 
இவர்கள் இருவருக்கும் என் இதய நன்றிகளை காணிக்கையாக்குகின்றேன்.

............................................................................................................................................................................................................................................................................................................

கடந்த வருடத்தின் இறுதிப்பகுதியில் கற்றல் செயற்பாடுகளுக்காக இந்தியா செல்ல முடிந்தது. அங்கு இடம்பெற்ற 40க்கும் மேற்பட்ட கருத்தமர்வுகளில் இருந்து பல விடயங்களை கற்க முடிந்தது. அவற்றில் ஒரு கருத்தமர்வில் பகிரப்பட்ட விடயங்களை அடிப்படையாக கொண்டு இப்பதிவு தயாராகின்றது.

இன்றைய காலகட்டத்தில் ஆண்களே பெரும்பாலும் எழுத்து துறையிலும் ஊடக துறையிலும் அதிகம் சாதித்து வருகின்றனர். அதற்கு அவர்களுக்கு என்று சமூகத்தில் இருக்கின்ற வாய்ப்புகளும் காரணமாக அமைகின்றன. ஆண் ஒருவன் சமூகத்தினை பல்வேறு கோணங்களில் பார்ப்பதற்கு தகுதியுடையவன் என பலரும் நம்புவதால் ஆண் படைப்பாளிகளை இன்று நாம் அதிகமாக பார்க்கின்றோம். ஆணுக்கு நிகரானவள் பெண் என்பது நிஜம். அதனால் எந்த துறையாக இருந்தாலும் இன்று பெண்களும் அத்துறைகளில் ஆண்களுக்கு இணையாக கோலுச்சி வருகின்றனர். அந்த வகையில் இன்று இதழியல் துறையில் சாதிக்கும் பெண்களும் பலர் உள்ளனர். அத்துடன் ஆண் இலக்கிய வாதிகள் பெண்களின் பெயர்களை தம் படைப்புகளில் புனை பெயராக கொண்டு எழுதி வருகின்றனர் என்பதன் ஊடாக பெண்கள் இலக்கிய படைப்பில் எவ்வாறு முக்கியத்துவம் பெறுகின்றனர் என்பதை உணர முடிகின்றதல்லவா?

பேராசிரியை தாயம்மாள் அறவாணன்

பெண்கள் பாரதியின் புரட்சிக்கு பின்னர்தான் சமூகத்தில் சாதிக்க வந்தனர் என்ற கருத்து ஒருபுறமிருந்தாலும் இலக்கிய துறையிலும் இதழியல் துறையிலும் பெண்கள் தமது படைப்பாற்றலை சங்க காலத்திலேயே ஆரம்பித்து விட்டனர். சென்னை பல்கலைகழகத்தில் இடம்பெற்ற புத்தாக்க பயிற்சி கருத்தரங்கில் கலந்து கொண்டு உரையாற்றிய பேராசிரியை தாயம்மாள் அறவாணன் அவர்களின் கருத்து இவ்வாறு அமைகின்றது. அவர் தனது உரையில் குறிப்பிட்ட விடயங்களை அடிப்படையாக கொண்டு இக்கட்டுரை வடிவமைக்கப்படுகின்றது.

நுால்கள் தொடர்பான ஆய்வில் ஈடுபட்டு வருபவரும் கொங்கு பத்திரிகையின் ஸ்தாபகராக விளங்குபவருமான பேராசிரியை தாயம்மாள் அறவாணன் அவர்கள் திருநெல்வேலி மனோன்மணியம் சுந்தரனார் பல்கலை கழகத்தின் பேராசிரியரும் தொடர்பியல் துறை தலைவருமாகிய பேராசிரியர் க.ப.அறவாணன் அவர்களின் துணைவியாராவார். கணவரின் இலக்கிய பயணத்திலும் கல்வி பயணத்திலும் தன்னையும் இணைத்துக்கொண்ட பேராசிரியை தாயம்மாள் அறவாணன் அவர்கள் 23 நுால்களை இதுவரை வெளியிட்டு உள்ளார். இவற்றில் சிலப்பதிகாரத்தில் வாய்மொழி கதை, ஔவையார் நுால் என்பன பெருமை பெற்றவையாகும். இவருடைய இலக்கிய படைப்புகளுக்காக சக்தி விருது, ஔவை விருது முதலிய விருதுகள் இவருக்கு வழங்கி கௌரவிக்கப்பட்டன என்பது குறிப்பிடத்தக்கது.

சங்க காலம் முதல் இன்று வரை உள்ள பெண் கவிஞர்கள் தொடர்பான ஆய்வில் ஈடுபட்டு வரும் அவர் தனது ஆய்வினை அடிப்படையாக கொண்டு சென்னை பல்கலைகழகத்தில் தனது கருத்துரையை நிகழ்த்தினார். சங்க காலத்தில் எழுந்த எட்டுத்தொகை, பத்துப்பாட்டு இலக்கியங்களில் அமைந்த பாடல்களில் பல பாடல்களை அக்காலத்தில் இருந்த பெண் கவிஞர்கள் பாடியுள்ளனர். அக்காலத்தில் இருந்த 473 புலவர்களுள் சுமார் 45 பெண் கவிஞர்கள் இருந்துள்ளனர். அவர்களில் கற்றுத் தேர்ந்த புலவர்களும் இருந்தனர். சாதாரணமான பெண்களும் இருந்தனர். குறத்தி இனத்தை சேர்ந்தவர்களும், பானை செய்யும் பெண்களும், சேலை துவைக்கும் பெண்களும் கூட கவிதாயினிகளாக இருந்துள்ளனர். எடுத்துக்காட்டாக குறத்தி இனத்தை சேர்ந்த இளையோதி, குளையோதி ஆகிய பெண் புலவர்களை குறிப்பிடலாம்.

சங்க காலத்தில் கவிபுனைய ஆரம்பித்த பெண்கள் தொடர்ச்சியாக கவிபுனைவதை நிறுத்தாமல் தொடர்ந்தனர். அந்த வகையில் ஔவையார், காரைக்கால் அம்மையார், ஆண்டாள், மங்கையற்கரசியார் என ஒவ்வொரு காலகட்டத்திலும் பெண் புலவர்கள் தோன்றிய வண்ணமே இருந்தனர். இவர்கள் ஆண் புலவர்களுக்கு சவாலாகவும் அவர்களின் கவித்துவத்திற்கு இணையாகவும் பாடல்களை பாடி வந்துள்ளனர். இவர்களில் புலமைப்போரில் ஈடுபட்ட ஔவையாரை இவ்விடத்தில் நினைவுகூறுவது சாலச்சிறந்ததாகும்.

பிற்பட்ட காலத்திலே புதுக்கோட்டை சமஸ்தானத்தில் கவிஞர்களாக இருந்த ஜானகி அம்மையார், லட்சுமி அம்மையார் ஆகிய இருவரும் பெண் கவிஞர்களுள் முதன்மை பெறுகின்றனர். இவர்களில் லட்சுமி அம்மாள் வியாசட்ட முறையில் அதாவது ஒரு வரியில் அமைந்த விடயத்திற்கு நீண்ட தெளிவான விளக்கம் தருவது வியாசட்ட முறையாகும். அந்த வகையில் வியாசட்ட முறையில் திருவள்ளுவரின் திருக்குறளுக்கு தெளிவான பொருளுரை எழுதியுள்ளார். திருக்குறளுக்கு பொருளுரை எழுதிய ஒரே ஒரு பெண் லட்சுமி அம்மையார் என்பது குறிப்பிடத்தக்கது.

இவர்களை தொடர்ந்து 19ம் நுாற்றாண்டின் பெண் கவிஞர்கள் பற்றி பார்த்தால் அவர்கள் இந்திய சுதந்திர போராட்டத்தில் பெரும் ஈடுபாடு கொண்டவர்களாக இருந்துள்ளனர். 1909ல் ஆங்கிலேயர்களால் உருவாக்கப்பட்ட ஆவண காப்பகத்தில் இருந்து சுதந்திர போராட்டத்தில் ஈடுபட்டு சிறை சென்ற பெண்கள் பற்றிய தகவல்களை அறிய முடிந்ததாக குறிப்பிட்ட பேராசிரியை தாயம்மாள் அறவாணன் அவர்கள் அன்றைய காலத்தில் பெண்கள் சுதந்திர போராட்டத்தில் பங்கெடுத்ததால் தான் இன்றைய பெண்கள் மகிழ்ச்சியுடன் வாழ்கின்றனர் என்று குறிப்பிட்டார். 19ம் நுாற்றாண்டு காலப்பகுதியில் சுமார் 107 பெண் கவிஞர்கள் இருந்துள்ளனர்.

பெண் கவிஞர்களின் தோற்றத்தில் அவர்களின் இளவயது திருமணங்களும் செல்வாக்கு செலுத்துகின்றன. கணவன் இறந்த பின் அப் பெண்ணின் பெற்றோர் அவளுக்கு கல்வி கற்பித்தலை ஊக்குவித்ததால் அப்பெண்கள் கல்வியில் சிறந்தவர்களாக வளர்ந்தனர். பின் சமூகத்தின் மீதான அவர்களின் பார்வை அகல விரியவே அவர்கள் கவிஞர்களாக மாறினர்.

விழுப்புரம் அகலாம்பிகை என்ற பெண் சிறுவயதிலேயே விதவையானவர். பின் இரட்டணை என்ற ஊரில் தங்கியிருந்து ஆசிரியர் ஒருவரின் உதவியுடன் யாப்பு நயம்பட பல்வேறு கவிதைகளை வெளியிட்டார். இவரின் சிறப்புக்குரிய படைப்பாக மகாத்மா காந்தி தொடர்பாக இவர் எழுதிய ஏழு காண்டங்களை கொண்ட நுால் விளங்குகின்றது.

பத்மாவதி, கிருஸ்ணவேணி ஆகிய சகோதரிகள் கும்மியடிக்கும் பெண்களாக விளங்கினர். இவர்களிடம் இயற்கையாகவே கிடைக்கப்பெற்ற இசை அறிவின் காரணமாக இவர்களால் படைக்கப்பட்ட கவிதைகள் இசயோடு இணைந்து காணப்படுகின்றன. அத்துடன் சாதாரண பெண்ணாகிய சம்பூர்ணம் என்பவர் சமையல் செய்து கொண்டே தமயந்தி நாடகம் தொடர்பாக கவிதைகளை எழுதி வந்தார் என்பதும் குறிப்பிடத்தக்கது.

வை.மு.கோதைநாயகி

இவ்வாறாக பெண்கள் கவித்துறையில் சாதித்தது மட்டுமன்றி பல பெண்கள் இன்றும் ஊடக துறையில் சாதித்த வண்ணம் உள்ளனர். தமிழ் மொழியே தெரியாத வை.மு.கோதைநாயகி என்ற பெண் கணவரின் துணையோடு நின்று 15 நாவல்களை எழுதியுள்ளார். அதுமட்டுமன்றி 32 வருடங்கள் தொடர்ச்சியாக வெளியாகி வந்த ஜெகன்மோகினி பத்திரிகையின் ஸ்தாபகராகவும் இப்பெண் விளங்கியுள்ளார். அத்துடன் பல பெண்கள் நாடு கடந்து சென்றும் பத்திரிகை துறையில் செயற்பட்டிருக்கின்றனர். இன்றைய தமிழ் பெண் பத்திரிகையாளர்களின் கதாநாயகிகளில் முக்கியமானவர் இலங்கையின் மலையத்தில் தேயிலை தோட்டங்களில் கஸ்டப்படும் மக்களின் உரிமைகளுக்காக கணவருடன் இணைந்து போரிட்ட மீனாட்சியம்மாள் நடேசையர் அவர்கள்.

மீனாட்சியம்மாள் நடேசையர்

இந்திய வம்சாவளி மக்களுக்காக தஞ்சை மாவட்டத்தில் இருந்து பத்திரிகைகள் ஊடாக குரலெழுப்பி வந்த நடேசையர் அவர்களை ஆங்கில அரசு தடை செய்த போது அங்கிருந்து இலங்கை வந்து மலையக வாழ் இந்திய மக்களுடன் இணைந்து வாழ்ந்து அவர்களுக்கான உரிமைகளை தேடியறிந்து அதனை பெற்றுத்தருவதற்காக பத்திரிகைகளை உருவாக்கினார். கணவருக்கு உதவியாக இந்தியாவில் இருந்து இலங்கை வந்து இங்கு பெண்களுக்கான உரிமை போரிலும், மக்களின் விடுதலை போரிலும் தன்னையும் இணைத்து கவிதைகளை எழுதியதுடன் வீடு வீடாக சென்று பாரதியார் பாடல்களை பாடி புரட்சி தீயினை வளர்த்தார். இவர் மாறுவேடம் பூண்டு நடாத்திய பத்திரிகைகள் தேச நேசன், தேச பக்தன், உரிமைப்போர், தொழிலாளி, சுதந்திர போர் என்பனவாகும்.

நன்றி இணையம் www.fashioner.com

இவர்களின் வழித்தோன்றல்களாக இன்றைய பெண் ஊடகவியலாளர்கள் விளங்குகின்றனர். சவால் மிக்க இன்றைய ஊடக துறையில் இவர்களின் பணி மெச்சத்தக்கது. இன்றைய நாளில் பெண் ஊடகவியலாளர்கள் சாதிப்பதை விட சவால்களையே அதிகம் சந்திக்கின்றனர். பாலியல் ரீதியான அழுத்தங்கள், ஆணாதிக்கம் என்பன இவர்களை கட்டுப்படுத்தும் காரணிகளில் முதன்மை பெறுகின்றன. இருப்பினும் இவை அனைத்தையும் தமக்கான பாதுகாப்பு வேலிகளாக கொண்டு இத்துறைகளில் சிறப்பாக பணியாற்றிவரும் பெண்களை நாம் பாராட்டியேயாக வேண்டும். பெண்கள் மென்மையானவர்கள் மட்டுமன்றி மேன்மையானவர்கள் அதனை நாம் உணர வேண்டும். மோசமான படைப்புகள் பல பெண்களின் புனை பெயர்களின் வெளிவரும் இன்றைய சவால் மிகுந்த காலத்தில் இவை அனைத்தையும் கவனத்தில் கொண்டு பெண்கள் இலக்கிய படைப்பாற்றலிலும், ஊடகத்துறையிலும் தொடர்ந்து சாதிக்க வேண்டும் என்பதே அனைவரின் விருப்பாகவும் அமைகின்றது.

நன்றி

மீண்டும் சந்திப்போம்.,

என்றென்றும் அன்புடன்.....,

Continue reading →

கயத்தாறு நோக்கிய பயணம்..- கட்டபொம்மனின் இறுதி நாட்கள் - 1

வணக்கம் நண்பர்களே..

தமிழ் மன்னர்களுக்கு என்றும் ஒரு தனித்துவத்தன்மை உள்ளதென்பது மறுக்க முடியாத உண்மை. சங்க காலம் தொட்டு ஆங்கிலேய ஆக்கிரமிப்பு காலம் வரைக்கும் தமிழ் மன்னர்களின் பெருமைகளை வரலாறு சொல்ல மறந்ததில்லை எனலாம். அந்த மன்னர்களின் வரிசையில் வீரம் என்றதும் நினைவிற்கு வரும் மன்னன்தான் வீரபாண்டிய கட்டபொம்மன்.

1760ல் பிறந்த இந்த வீரமகனுக்கு இன்று 252வது பிறந்த நாள்.

மக்கள் மனதில் நிலைத்து நிற்கும் இந்த மன்னனின் இறுதிநாட்கள் பற்றியதான பதிவினை இன்று ஆரம்பிக்கின்றேன். இப்பதிவு ஒரு தொடர்பதிவு. இதன் தொடர்ச்சியான பாகங்கள் அடுத்தடுத்த வாரங்களில் வெளிவரும் என்பதையும் கூறிக்கொண்டு பதிவை ஆரம்பிக்கின்றேன்.

வியாபார நோக்கத்திற்காக ஆரம்பத்தில் இந்திய உபகண்டத்தினுள் நுழைந்த ஆங்கிலேயர்கள் பின்நாளில் மண்ணாதிக்க வெறிக்கு உட்பட்டனர் காரணம் மண்ணில் இருந்த வளமும், வீரமும் அவர்களை அதிர்ச்சியடைய வைத்ததுதான். அந்த வகையில் இந்தியாவை கைப்பற்றிய ஆங்கிலேயர்கள் இந்தியாவின் தென்னாட்டில் உள்ள பாளையக்காரர்கள் எல்லோரும் தாங்கள் இருக்கும் இடத்திற்கு வந்து முகஸ்துதி செய்து திறை செலுத்த வேண்டுமென்று ஆணையிட்டனர். அவர்களின் மிரட்டலுக்கும் படை பலத்திற்கும் பயந்து பலர் ஓடிச்சென்று திறை செலுத்தினர். பலர் மண்டியிட்டனர்.

சிலர்தான் “தாம் உயிர் நீக்க நேரினும் வரிசெலுத்த முடியாது” என்று கூறினர். ஆங்கிலேயரையும் எதிர்த்து நின்றனர். அவ்வாறு எதிர்த்தவர்களில் குறிப்பிடத்தக்கவர் பாஞ்சாலங்குறிச்சி மன்னன் வீரபாண்டிய கட்டபொம்மன்

அவரின் அனல் தெறிக்கும் கோபத்தினை கண்ட ஆங்கிலேயர்கள் தமது நில ஆதிக்கத்திற்கு இவர் தடையாக அமைந்து விடுவார் என்பதை உணர்ந்தனர். போரின் மூலம் அவரை அடக்க எண்ணி யுத்தத்திற்கு தயாராகினர்.

மேஜர் ஜோன் பானர்மன் என்ற ஆங்கில தளபதி தனது பிரமாண்டமான கம்பனிப் படையுடன் 1799 செப்டம்பர் 04ம் திகதி பாளையங்கோட்டையிலிருந்து புறப்பட்டு சிவலப்பேரி மார்க்கமாக பாஞ்சாலங்குறிச்சி நோக்கி விரைந்தார்.

இந்நேரத்தில் ஏக காலத்தில் கப்டன் ஓ ரீலி(O"Reilly), ப்ரூஸ்(Bruce), காலின்ஸ்(collins), டக்ளஸ்(Douglas), டார்மீக்ஸ்(Durmieux), ப்ளேக்(blake), ப்ரௌன்(Brown) போன்ற இதர ஆங்கிலேய அதிகாரிகளும் பாஞ்சாலங்குறிச்சியை சுற்றி தங்களது படைகளுடன் போருக்கான வேகத்துடன் நின்றனர்.

ஜோன் பானர்மனின் படை 05.09.1799 காலையில் பாஞ்சாலங்குறிச்சியை வந்தடைந்தது. கோவில்பட்டியிலிருந்தும், கயத்தாற்றிலிருந்தும் வந்த இராணுவ வீரர்களும் ஆங்கிலேய படையுடன் இணைந்து கொண்டனர்.

இந்நேரத்தில் வீரத்தின் விளைநிலமாக திகழ்ந்த வீரபாண்டிய கட்டபொம்மனின் மறத்தமிழர் படையும் தயாரானது. கட்டபொம்மனின் படையில் சிவத்தையா நாயக்கர், தானாபதிப் பிள்ளையின் தம்பி வீரபத்திரபிள்ளை, சம்பரதி பொன்னப்ப பிள்ளை, ஃபாதர் வெள்ளை எனப்படும் வீரன் வெள்ளையத் தேவன், தன்னலங் கருதாத ஊமைத்துரை, தளபதி சுந்தரலிங்கம் இவர்களுடன் பலர் உள்ளடங்கியிருந்தனர் .

போருக்கான ஆயத்தங்கள் இருபக்கமும் துரித கதியில் மேற்கொள்ளப்பட்ட வண்ணமிருந்த நிலையில் ஆங்கிலேயர்கள் நோட்டமிடும் நோக்கில் அதாவது கட்டபொம்மனின் யுத்த ஏற்பாடுகளை பற்றி அறிந்து கொள்வதற்காக ஒரு வழிமுறையை பின்பற்றினர். அதுதான் துாது அனுப்பியது.

மேஜர் ஜோன் பானர்மன் தம்முடைய படையோடு இருந்த ராமலிங்க முதலியாரை ஹவில்தார் இப்ராஹிம் கான், அரிக்கரன்சாமி ஆகியவர்களுடன் பாஞ்சாலங்குறிச்சி கோட்டைக்குள் துாதுவராக அனுப்பி வைத்தார். அவர்கள் கட்டபொம்மனைச் சந்தித்து “கட்டபொம்மன் உடனடியாக பானர்மன்னைச் சந்திக்கவும்” என்ற செய்தியை தெரிவித்தனர்.

அதற்கு கட்டபொம்மன் வழங்கிய பதில் இவ்வாறு இருந்தது.

“எழுத்து மூலமாக ஏதேனும் ஓர் உத்தரவு வந்தாலன்றி, மேஜர் பானர் மென்னைப் பார்க்க முடியாது” என்பதாகும்.

"I lost no time in ordering the polegar to surrender at discretion to the company. if i would grant a written cowl, he said he would come to me; but not without."

 அரசின் செயலாளரான அப்போது இருந்த ஜோசையா வெப்பிற்கு பாஞ்சாலங்குறிச்சியிலிருந்து மேஜர் ஜோன் பானர்மென் 05.09.1799 இல் எழுதிய கடிதத்தில் குறிப்பிட்டிருந்த வரிகளே அவை..

பெயரளவில் நடந்த சமரச முயற்சிகளும் வெற்றியளிக்கவில்லை. ஆங்கிலேயருக்கு அடங்கி ஒடுங்கிப் போகவும் திறை செலுத்திடவும் அஞ்சா நெஞ்சங் கொண்ட வீரபாண்டிய கட்டபொம்மன் தயாராக இல்லை என்பது ஆங்கிலேயர்களுக்கு மேலும் உறுதிபடத் தெளிவானது.

அடுத்த கட்டமாக போர்தான் தீர்வு என ஆங்கிலேயர்கள் தீர்மானித்தனர். காலத்தால் அழியாத, வரலாற்றில் என்றென்றும் நிலைத்து நிற்கின்ற பாஞ்சாலங்குறிச்சிப் போர் ஆரம்பமானது.

பாஞ்சாலங்குறிச்சி கோட்டையின் தெற்குக் கோட்டை வாசலும், வடக்குக் கோட்டை வாசலும் ஆங்கிலேய படையினரால் முதலில் தாக்கப்பட்டது. இந்த முதற்கட்ட போரில் ஆங்கிலேய படையின்  நான்கு ஐரோப்பிய அதிகாரிகள் கொல்லப்பட்டதுடன் இரண்டு பேர் காயமடைந்தனர். இருப்பினும் போர் தீவிமாக நடைபெற்றது. ஆங்கிலேய படையின் பீரங்கிகள் செயற்பட தொடங்கின.., அவை கோட்டைச் சுவர்களைத் துளைத்து உடைத்தெறியத் தலைப்பட்டன.

இதனால் கோட்டையை இழந்து விடுவோமோ என்ற நிலையில் தீவிர ஆலோசனையை உடனடியாக மேற்கொண்டார் வீரபாண்டிய கட்டபொம்மன். இறுதியில் திருச்சி வரை சென்று ஆங்கிலேய மேலதிகாரிகளைச் சந்தித்து, விரைவில் வந்து விடுகிறேன் என்று வீட்டாரிடம் விடைபெற்று விட்டு, ஒரு தண்டிகை, ஏழு குதிரைகள், ஐம்பது வீரர்கள், தம்பியர், தானாபதிகளோடு சித்தார்த்தி வருடம் ஆவணி மாதம் 22ஆம் நாள் (07.09.1799) இரவு 10.30 மணிக்கு பாஞ்சாலங்குறிச்சி கோட்டையை விட்டு வீரபாண்டிய கட்டபொம்மன் வெளியேறி வடதிசை நோக்கி விரைந்து சென்றார்.

மறுநாள் முழுவதும் கோட்டையில் இருந்த படைகளுடன் இடம்பெற்ற கடுமையான போரினை தொடர்ந்து 09.09.1799 காலை 09.30 மணியளவில் பாஞ்சாலங்குறிச்சி கோட்டையினை மேஜர் பானர்மென் கைப்பற்றிக் கொண்டார். வீரபாண்டிய கட்டபொம்மன் வெளியேறிச் சென்றிருக்கும் திசையைப் பற்றிய விவரங்களைத் தெரிந்து கொண்ட அவர் வீரபாண்டிய கட்டபொம்மனைப் பிடிப்பதற்குரிய முயற்சிகளை மேற்கொள்ளுமாறு பல பாளையக்காரர்களுக்கும் கடிதங்களின் ஊடாக கட்டளையிட்டார்.

அந்த கடிதம் வடிவமைக்கப்பட்ட விதம் ஆங்கிலேயரின் பிரித்தாளும் தன்மையை மேலும் பறை சாற்றி நிற்கிறது எனலாம். 

"ஒவ்வொருவருடைய குணத்திற்கும் கட்டபொம்மன் மீது கொண்டிருக்கும் அவர்களுடைய அபிப்பிராயத்திற்கும் ஏற்றவாறு வெவ்வேறு விதமாக அந்தப் பாளையக்காரர்களுக்கு பானர்மென் கடிதம் எழுதியதாக அவரே அரசுக்கு 11.09.1799 இல் நாகலாபுரத்திலிருந்து எழுதிய கடிதத்தின் மூலம் தெரிவித்திருக்கிறார்.

... that I found it necessary to very the style of my letters to the different polegar, according to the knowledge I had of their characters, and what I knew of their dispositions towards cataboma Naig.

கடிதங்களின் மூலமாக கட்டளைகளை பிறப்பித்த பின் ஆங்கிலேய படைகள் கட்டபொம்மனை தேடுவதற்கு தயாராகின. லெப்டினென் டக்ளஸ் தலைமையில் இரண்டு குதிரைப் படைகளையும், கப்டன் ஓ ரெய்லி தலைமையில் 400 குண்டு வீச்சாளர்களையும் இடது பக்கமாக அனுப்பி வைத்துவிட்டு முக்கிய படைகளுடன் மேற்கு பக்கமாக மேஜர் பானர்மென் செல்வதும் என திட்டமிடப்பட்டிருந்தது. அதன்படி சிறிது தூரம் சென்றதும் எட்டயபுரம் பாளையக்காரர் தனது படைவீரர்களுடன் கட்டபொம்மனைப் பிடிப்பதற்குச் செல்வதாகவும், தனக்கு உதவியாக மேலும் சிப்பாய்களை அனுப்பும் படியும் ஆங்கிலேயருக்கு தகவல் தந்தார். உற்சாகமடைந்த பானர்மென், குறிப்பிட்ட அளவு படைவீரர்களுடன் கப்டன் ஓ ரெய்லியையும் லெப்டினென் டக்ளஸையும் எட்டயபுரம் படையினருக்கு துணையாக அனுப்பி வைத்தார்.

கோட்டையை விட்டு வெளியேறிச் சென்ற வீரபாண்டிய கட்டபொம்மனை எட்டயபுரத்தாரின் படைகள் கோலார்பட்டி கோட்டைப் பகுதியில் எதிர்கொண்டன. இச்சம்பவம் 10.09.1799 அன்று நடைபெற்றது. இரண்டு தமிழர் படைகளுக்குமிடையில் போர் இடம்பெற்றது. இதில் இரு தரப்பிலும் பெரிய சேதமேற்பட்டது. கட்டபொம்மனது படையினர் வீரப் போரிட்டனர். போரின் முடிவில் ஆறு வீரர்களுடன் குதிரைகளில் ஏறி வீரபாண்டிய கட்டபொம்மன் அங்கிருந்து தப்பிச் சென்றார்.

தானாபதி சிவசுப்பிரமணியபிள்ளை, அவரது தம்பி வீரபத்திரபிள்ளை, ஆதனூர் வெள்ளைச்சாமி நாயக்கர், அல்லிக்குளம் சுப்பா நாயக்கர், முள்ளுப்பட்டி முத்தையா நாயக்கர், கொல்லம்பரும்புக் குமாரசாமி நாயக்கர் முதலிய 34 பேர்களை ஆங்கிலப் படையினர் அப்போரின் போது கைது செய்தனர் என்பதும் குறிப்பிடத்தக்கது.

(அன்று எட்டயபுரம் செய்த அந்த துரோகத்திற்கும், பாவத்திற்கு பரிகாரமாகவே ஆங்கிலேயரை எதிர்க்க பின்நாளில் பாரதியார் அதே மண்ணில் தோன்றினார் என்று பலர் இன்று கருதுகின்றனர்..!)

சரி நண்பர்களே..

இந்த வரலாற்று பயணத்தின் அடுத்த பாகத்தினை எதிர்வரும் வாரத்தில் தருகின்றேன்.

அதற்கிடையில் மற்றுமொரு பதிவில் சந்திக்கின்றேன்.

நன்றி

மீண்டும் சந்திப்போம்.,

என்றென்றும் அன்புடன்.....,

Continue reading →

நண்பன் - All Is Well...!

வணக்கம் நண்பர்களே..!

இன்று இளைய தளபதி விஜய்யின் நண்பன் திரைப்படத்தின் பாடல்கள் வெளியாகி உள்ளன.  பாடல்கள் வெளியாகிய நேரத்தில் இருந்து இப்போது வரை மிக பெரிய வரவேற்பை பெற்றுள்ளன ஹாரிஸ் ஜெயராஜின் இசையில் அமைந்த பாடல்கள் எனலாம்.

இத்திரைப்படத்தில் 6 பாடல்கள் உள்ளடங்கியுள்ளன வழமையான விஜய் படங்களை போன்றே. ஆனால் சற்று வித்தியாசமான பாடல்களாக இவை இருப்பது மேலும் ரசிக்க வைக்கின்றது.

இப்பதிவில் நான் அந்த ஆறு பாடல்களினதும் வரிகளை முழுமையாக தரலாம் என வந்துள்ளேன்..

அட சந்தோசத்தை பாருங்கோ.....!!

முதலில் All Is Well...

heartile battery..charge தான் all is well

தோல்வியா tension-ah..சொல்லிடு

all is well..

tight ஆகா lifey ஆனாலும்

லூசாக நீ மாறு

பப்பாளி போலே நீ வாழ்ந்தால்

பூமி எங்கும் தொங்கும் தோட்டம்

காட்டு வழியிலே நூலை கண்டால்

all is well

நூலை கொண்டு வா பட்டம் விடுவோம்

மாச கடைசியில் kings um தீர்ந்தால்

all is well

துண்டு பீடியில் நட்பை கோர்ப்போம் ( heartile battery..charge தான் all is well..)

சரணம் – 1

ஏலே வெல்ல சொக்கா

கையில் என்ன book அஹ ?

zoo கெட்ட cook ah?

scene போடாதே

ஹேலே மக்கா மக்கா

மக்கா நிக்கும் மாக்க

ஒத்த காலு கொக்கா

நீ mark-u கொத்தி நோகாதே

சோடா கோலியா

நீ load மேல load ஏத்த மூளை காலிய

மூளையதான் மூட்டை கட்டு

follow your heart-u beat-u root-u

topper என்பதால் hero இல்லை

all is well

topic மாறினால் அவனும் zero

topper-um

joker என்பதால் zero இல்லை

all is well

சீட்டு கட்டிலே நீ தான் hero ( heartile battery..charge தான் all is well..)

சரணம் – 2

நீயும் கூட பிரம்மா

table desk-ah தம்மா ..மாத்தி குத்து கும்மா

tune போடம்மா

students என்ன யம்மா

cell குள்ள sim-ah?..பூட்டி வைக்கலாமா ?

நாம் escape ஆகி போவோமே

bathroom தாபால் இல்லை என்றால்

பாடு பாடேண்டா

ஒரு tms-ah ஜேசுதாஸா ஆவோம் வாயேண்டா

முளையதான் மூட்டை கட்டு

follow your heart-u beat-u root-u

bathroom-u குள் பாம்பு வந்தால்

all is well

தேர்வில் வாங்கிய முட்டை நீட்டு

all is well

beer-u அடிச்சு தான் தொப்பை போட்டால்

all is well

நீயும் ஆகலாம் police ஏட்டு.. ( heartile battery..charge தான் all is well..)

வரிகள் :- நா.முத்துக்குமார்

பாடியவர்கள் :- ஹேமசந்திரன், முகேஸ்

.....................................................................................................................

.....................................................................................................................

2. இருக்காண்ணா..

இருக்காண்ணா

இடுப்பிருக்காண்ணா

இல்லையானா இலியானா

உன் இடைத்தானா – இன்பக்

கடை தானா மெல் இடைதாண்டி

குடைதானா

அட இக்கனி முக்கனி முகடு..!

நான் துத்த நாகத் தகடு..!

உன் ஓதட்டுக்குள் எத்தன ஒதடு..!

ஒன்னு குடு குடு..!

அடி அஞ்சன மஞ்சன மயிலு..!

நீ கஞ்சன் ஜங்கா ரயிலு..!

உன் இடுப்பே ஆறாம் விரலு..!

நீ கிளு கிளு..!

ஒல்லி பெல்லி ஜெல்லி பெல்லி

மல்லி வாச மல்லி

உன் மேனி வெண்கல வெள்ளி

சொல்லி சொல்லி உன்ன அள்ளி

கிள்ளி கன்னம் கிள்ளி

விளையாட வந்தவன் கில்லி

சரணம் – 1

ஒருவாட்டி இடுப்பாட்டி

மலை இறக்க இறக்கத்துல தள்ளேன்

இடங்காட்டி தடம்காட்டி

என்னை அறக்க பறக்க வந்து

கொல்லேன்

அடங்காட்டி மடங்காட்டி

வாய் உறைக்க உறைக்க முத்தம் வைப்பேன்

படங்காட்டி பயங்காட்டி

நெஞ்சு இறைக்க இறைக்க தப்பு செய்வேன்

நான் சின்ன பையன்

நீ கண்ண வையேன்

நான் சொன்னா செய்யேன்

வா வாயில் வாழ வாயேன்

சரணம் – 2

லயிச்சானா லயிச்சானா – இதழ்

லவங்கம் லவங்கம் கடிச்சானா

இனிச்சானா இனிச்சானா- வாய்

மடலில் கடல் தினிச்சானா..?

கொழுக்கானா மொழுக்கான – நல்லா

பழுத்துப் பழுத்து தளுக்கானா

இழைச்சானா குழைச்சானா- ரொம்ப

செதுக்கி செதுக்கி உழைச்சானா

நீ ஜெங்கிஸ்கானா

நீ உன் கிஸ் தானா

நான் மங்குஸ் தானா

உன் கையில் கஜகஸ்தானா..??

வரிகள் :- பா.விஜய்

பாடியவர்கள் :- விஜய் பிரகாஸ், ஜாவிட் அலி, சுனிதி சௌஹான்

.....................................................................................................................

.....................................................................................................................

3. எந்தன் கண் முன்னே..

எந்தன் கண் முன்னே

கண் முன்னே

காணாமல் போனேனே!

யாரும் பார்க்காத

ஒரு விண்மீனாய்

வீணாய் நான் ஆனேனே!

இதயம் கிழியும் ஒலி கேட்டேன்

இதையா இதையா எதிர்பார்த்தேன்?

மழை கேட்கிறேன்

எனை எரிக்கிறாய்

ஒளி கேட்கிறேன்

விழிகளை பறிக்கிறாய்

கனவை கனவை கலைத்தாயே

தொடர்ந்திட விடுவாயா?

வலிகள் வலிகள் கொடுத்தாயே

நான் உறங்கிட விடுவாயா?

வரிகள் :- மதன் கார்க்கி

பாடியவர் :- ஆலாப் ராஜ்

.....................................................................................................................

.....................................................................................................................

4. என் ஃப்ரண்ட போல யாரு..

என் ஃப்ரண்ட போல யாரு மச்சான்

அவன் ட்ரெண்டை எல்லாம் மாத்தி வைச்சான்

நீ எங்க போனாய் எங்க மச்சான்

என்னை எண்ணி எண்ணி ஏங்க வைச்சான்

நட்பால நம்ம நெஞ்ச தைச்சான்

நம் கண்ணில் நீரை பொங்க வைச்சான்

சரணம் 

தோழனின் தோள்களும் அன்னை மடி

அவன் துாரத்தில் பூத்திட்ட தொப்புள் கொடி

காதலை தாண்டியும் உள்ள படி

என்றும் நட்புதான் உயர்ந்தது பத்து படி

உன் நட்பை நாங்கள் பெற்றோம்

அதனாலே யாவும் பெற்றோம்

மேலே மேலே சென்றோம்

வான் மேகம் போல நின்றோம்

புது பாதை நீயே போட்டு தந்தாய்

ஏன் பாதி வழியில் விட்டு சென்றாய்

ஒரு தாயை தேடும் பிள்ளையானோம்

நீ இல்லை என்றால் எங்கே போவோம்..

வரிகள் :- விவேகா

பாடியவர்கள் :- க்ரிஸ், சுசித் சுரேசன்

.....................................................................................................................

.....................................................................................................................

5. நல்ல நண்பன்..

நல்ல நண்பன் வேண்டும் என்று

அந்த மரணமும் நினைகின்றதா..?

சிறந்தவன் நீ தான் என்று

உன்னை கூட்டி செல்ல துடிகின்றதா..?

இறைவனே இறைவனே

இவன் உயிர் வேண்டுமா..?

எங்கள் உயிர் எடுத்துகொள்

உனக்காது போதுமா..?

இவன் எங்கள் ரோஜா செடி

அதை மரணம் திண்பதா..?

இவன் சிரித்து பேசும் மொழி

அதை வேண்டினோம் மீண்டும் தா

உன் நினைவின் தாழ்வாரத்தில்

எங்கள் குரல் கொஞ்சம் கேட்கவில்லையா..?

மரணம் எனும் மேவனத்தில்

எங்கள் ஞாபகங்கள் போகவில்லையா..?

இறைவனே இறைவனே

உனக்கில்லை இரக்கமா..?

தாய் இவள் அழு குரல்

கேட்ட பின்பும் உறக்கமா..?

வா நண்பா வா நண்பா தோள்களில் சாயலாம்

வாழ்ந்திடும் நாளெலாம் நான் உன்னை தாங்கவா..?

வரிகள் :- நா.முத்துக்குமார்

பாடியவர் :- ராமகிருஸ்ணன் மூர்த்தி

.....................................................................................................................

.....................................................................................................................

6. அஸ்க் லஸ்கா...

அஸ்க் லஸ்கா ஏமோ ஏமோ

ஐ அஸ்த் அஸ்த் லைபே..

அஹாவா போலிங்கோ சிந்தா சிந்தா

இஷ்க் இஷ்க் மைலே..

லவ் இஷ்ட பிரேம பியாரோ பியாரோ

ஒரு காதல் உந்தன் மேலே..

அத்தனை மொழியிலும் வார்த்தை

ஒவ்வொன்றும் கொய்தேன்

மொத்தமாய் கோர்த்துத்தான்

காதல் செண்டொன்று செய்தேன்

உன்னிடம் நீட்டினேன் காதலை காட்டினேன்.

ஏனோ தன்னாலே உன் மேலே காதல் கொண்டேனே

ஏதோ உன்னாலே என் வாழ்வில் அர்த்தம் கண்டேனே

ப்ளுடோவில் உன்னை நான் கூடேற்றுவேன்

விண்மீன்கள் பொறுக்கி சூடேற்றுவேன்

முக்கோணங்கள் படிப்பேன் உன் மூக்கின் மேலே

விட்டம் மட்டம் படிப்பேன் உன் நெஞ்சின் மேலே

மேல்லிடையோடு வளைகோடு நான் ஆகிறேன்..! ஒ..

பிளாடோவின் மகனாய் உன் வேடமா?

ஆராய்ச்சி நடத்த நான் கூடமா?

பாழும் நோயில் விழுந்தாய், உன் கண்ணில் கண்டேன்..

நாளும் உண்ணும் மருந்தாய், என் முத்தம் தந்தேன்

உன் நெஞ்சில் நாடிமானி வைக்க

காதல் காதல் என்றே கேட்க..

தே ஜா வூ கனவில் தீ மூட்டினாய்

ராஜா என் மனதை ஏன் வாட்டினாய்

கப்பம் கேட்டு மிரட்டி நீ வெப்பம் கொண்டாய்

ரத்தம் மொத்தம் கொதிக்க

என் பக்கம் வந்தாய்

வெண்ணிலாவாக இதமாக குளிரூட்டவா?

கண்ணாடி நிலவாய் கண் கூசினாய்

வெண்வண்ண நிழலை மண் வீசினாய்

புல்லில் பூத்த பனி நீ.. ஒரு கள்ளம் இல்லை..

Virus இல்லா கணினி.. உன் உள்ளம் வெள்ளை..

நீ கொல்லை மல்லி முல்லை போலே

பிள்ளை மெல்லும் சொல்லை போலே

அஸ்க் லஸ்கா ஏமோ ஏமோ

ஐ அஸ்த் அஸ்த் லைபே..

அஹாவா போலிங்கோ சிந்தா சிந்தா

இஷ்க் இஷ்க் மைலே..

லவ் இஷ்ட பிரேம பியாரோ பியாரோ

ஒரு காதல் உந்தன் மேலே..

வரிகள் :- மதன் கார்க்கி

பாடியவர்கள் :- விஜய் பிரகாஸ், சின்மயி, சுவி

.....................................................................................................................

.....................................................................................................................

மதன் கார்க்கி எழுதிய அஸ்க் லஸ்கா.. பாடல் 16 மொழிகளில் இருந்து எடுக்கப்பட்ட வார்த்தைகளை கொண்டு உருவானது என்பது நீங்கள் அறிந்தது.. அவை எந்த எந்த மொழிகள்..?? என்ன அர்த்தம்..?? என்பது தொடர்பாக அடுத்து பார்ப்போம்..

• Ask (அஸ்க்)- Turkish
• Laska (லஸ்கா)- Šløvak
• Amøur (ஆமோர்)- French/Španish
• Ai (அய்)- Chinese
• Ast (அஸ்த்)- Icelandic
• Liebe (லேய்பெய்)- German
• Ahava (ஆவா)- Hebrew
• Bølingø (போலிங்கோ)- Lingala
• Cinta (சிந்தா)- Malay
• Ishq (இஸ்க்)- Arabic
• Meile (மெய்லே)- Lithuanian
• Løve - Ènglish
• Ishtam (இஸ்டம்)- Telugu
• Premam (பிரேமம்)- Malayalam
• Pyaar (பியார்)- Hindi
• Kaathal (காதல்)- Tamil

இவை அனைத்துக்கும் ஒரே அர்த்தம்தான்.. அது என்னவென்றால் காதல்....!!

தந்தையின் தேடலில் மகன் கார்க்கி... வாழ்த்துகள் மற்றும் நன்றிகள்.

வார்த்தை ஒவ்வொன்றும் 

மொத்தமாய் கோர்த்துத்தான்

காதல் செண்டொன்று செய்தேன்

சரி நண்பர்களே, நண்பன் பாடல்களை கேட்டு ரசியுங்கள்.., படம் பொங்கலுக்கு வெளியாகுகின்றது... அதனையும் ரசிப்போம்..

நன்றி

மீண்டும் சந்திப்போம்.,

என்றென்றும் அன்புடன்.....,

Continue reading →